TROSTESONGAR, ELVESONGAR og grashoppesongar 06-10.06.13

Natt til den 9.juni blei brukt til å få med seg M&R sin andre TROSTESONGAR som hadde blitt funnen i Frelsvatnet i Fræna kommune eit par dagar før. Denne songaren er ei stor sjeldenheit i Norge. Arten har aldri blitt funnen hekkande her, men nokre få funn av syngande hannar blir gjort årleg. Dei nærmaste hekkelokalitetane finn ein i Danmark og i sør-Sverige. I M&R var det berre eit funn av arten i frå før, det blei gjort i Ratvikvatnet i Ålesund i 1996. Dermed er dette ein skikkelig gobit.

I den nordvestlege delen av vatnet i dette takrørbeltet satt trostesongaren
og song.

Desverre så var det store nedbørsmengder når eg var og såg, samt høyrde fuglen. Men eg fikk no etter litt om og men eit greit lydopptak av den karakteristiske songen. Under kan du høyre lydopptaket.

Trostesongar, Frelsvatnet, Fræna 9.juni 2013

Ytre del av Gurskøya...
Natt til den 6.juni blei brukt til å få lytta etter nattsongarar på den ytre delen av Gurskøya. Samt sjekke opp elvesongaren som har hatt tilhold på Sørheim i Ørsta den siste tida.

På den ytre delen av Gurskøya var det svært lite som song. Men heldigvis i tillegg til eit par sivsongarar så satt det ein grashoppesongar og song på ytre Hauge i Haugsbygda. Den vart då innfanga og ring- og fargemerka. Dermed er totalen i år på 12 merka grashoppesongarar.

Her er eit bilde av songaren som satt og song i Haugsbygda.

Grashoppesongar 2K+ M, Haugsbygda 6.juni 2013

Etter at den ytre delen av Gurskøya var sjekka så nøye som mulig, vart det ein kort tur for å sjå om ELVESONGAREN som eg ringmerka på Sørheim i Ørsta den 3.juni fortsatt var på plass. Det var den... For med ein gong eg steig ut av bilen var det ikkje vanskeleg å høyre den godt gjennkjennelege songen til arten. Den satt då og song i det samme området der den har holdt til den siste tida. 

Her er eit av bilda som blei tatt av songaren før den blei innfanga og ringmerka den 3.juni, samt eit lydopptak av songen frå den 6.juni.

Elvesongar 2K+ M, Sørheim, Ørsta 3.juni 2013

Elvesongar, Sørheim, Ørsta 6.juni 2013

Lite nytt ellers...
På Sandsøya og Voksa er det lite nytt å melde om ellers. Det virkar no som om åkerriksa har takka for seg og trekt vidare. Det var i hvertfall ikkje ein einaste lyd å høyre i natt som var. Ellers så har det dei siste nettene komt inn endå fleire sivsongarar, dermed er antallet på øyane no ein stad mellom 40 og 50 syngande hannar. Av desse har eg fått ringmerka 32 fuglar. Målet er å i hvertfall bikke 40 merka hannar. Så skal det bli spennande å følge desse fuglane i åra framover, både med tanke på gjenfunn frå andre stadar, men også tilbakevendande fuglar.

Måsenytt frå april og mai 2013

I løpet av dei par siste månadane har det blitt nokre runder med måseskoding. Det har resultert i 1 norskmerka gråmåse, og heile 8 engelskmerka svartbakar. I tillegg til avlesingane av andre sine fuglar så har eg også hatt nokre fangstrunder. På i alt fire fangstrunder så har eg fått ring- og fargemerka 20 gråmåsar og 21 svartbakar. I tillegg til desse blei det kontroll på ein svartbak, då ein av dei som vart innfanga hadde metallring påsett frå før. Meir om dei merkte fuglane, samt dei avlesne kan du lese meir om nedanfor.

Fargemerkte måsar...
Som nemnt ovanfor så har det blitt avlest ein god del med fargemerkte måsar den siste tida. Her er litt meir om desse!

JN732

Gråmåse 3K, Sandshamna/Sandsøya 7-14.mai 2013

Gråmåsen JN732 vart ringmerka som ein 1K-fugl i Byparken i Bergen den 2.oktober i 2011. Etter dette har den blitt sett utallige gongar i Bergensområdet. Sist den vart sett i Byparken var den 23.april i år. Den vart så sett på Sandshamna på Sandsøya den 7., 13. og 14.mai, altså ikkje mange dagane etter.

Her er eit oversiktskart med ringmerkingsstad og funnstad plotta på kartet.

Avstanden mellom Bypaken og Sandshamna er på 207 km.

Engelskmerka svartbakar

I løpet av mai har eg som nemnt over fått lest av 8 engelskmerkte svartbakar på Sandshamna. Desse merka fuglane er fordelt på tre forskjellige prosjekt. Ein av måsane er merka av Severn Estuary Gull Group, to av dei er merkte av North Thames Gull Group, og heile fem er merkte av Jez Blackburn. Under kan du lese meir om fuglane.

MCM

Svartbak 4K, Sandshamna/Sandsøya 24.mai 2013

Svartbaken MCM vart merka som ein 2K-fugl på Gloucester søppelfylling i sørvest-England den 26.mars i 2011. Den 24.mai i år vart måsen avlest på Sandshamna. Dette var første gongen fuglen blei observert etter merking.

Her er eit oversiktskart der ringmkeringsstaden og funnstaden til MCM er plotta på kartet.

Avstanden mellom  Gloucester og Sandshamna er på 
ca. 1245km.

HK7T og TK2T

Svartbak 5K+, Sandshamna/Sandsøya 16.mai 2013

Svartbak 3K, Sandshamna/Sandsøya 24,mai 2013

Svartbaken HK7T vart ringmerka som ein adult fugl den 13.oktober i 2012 på Pitsea søppelfylling i Essex. Den vart så sett på Sandshamna den 16.mai i år. Dette vart då den første observasjonen av måsen etter merking.

Her er ein link til måsen HK7T på nettsidene til North Thames Gull Group:

http://www.ntgg.org.uk/cgi-bin/map.cgi?p=recmap&t=r&r=MA28649

Svartbaken TK2T vart ringmerka som ein 1K-fugl den 17.desember i 2011 på Rainham Tip i London. Måsen vart så observert for første gong etter merking på Sandshamna no den 24.mai.

Her er link til måsen TK2T på nettsidene til North Thames Gull Group:

http://www.ntgg.org.uk/cgi-bin/map.cgi?p=recmap&t=r&r=MA28562

3Z1B 

Svartbak 4K, Sande og Sandshamn/Sandsøya 3-18..mai 2013
Den har skada høgre auget. 

Svartbaken 3Z1B vart ringmerka som ein 3K-fugl på Daneshill søppelfylling i Nottinghamshire i søraust-England. Den 3.mai i år vart fuglen sett på Sande på sørsida av Sandsøya, før han så dukka opp på Sandshamna den 7.mai. Vidare så vart måsen sett den 12., 14. og 18.mai, det også då på Sandshamna. Dette var dei første observasjonane av måsen etter merking.

3A3B

Svartbak 5K, Sandshamna/Sandsøya 13.mai 2013

Svartbaken 3A3B vart ringmerka som ein 3K+ fugl den 27.februar i 2012 det også på Daneshill søppelfylling i Nottinghamshire i søraust-England. Etter ha sett fuglen no så må denne ha blitt merka som ein 4K (3.vinter). Då dei einaste karakterane som peikar mot ein subadult fugl no er dei brunlege små armdekkarane. Når fuglen no vart sett på Sandshamna den 13.mai vart dette den første observasjon etter merking.

 
3C1B

Svartbak 5K+, Sandshamna/Sandsøya 22.mai og 6.juni 2013

Svartbaken 3C1B vart ringmerka som ein adult fugl den 19.mars i 2011 nær Blackborough End, King`s Lynn i Norfolk i sentrale delar av England. Tidligare har den blitt sett på Hanstholm havn i Danmark (30.august 2011). Den vart så sett på Sandshamna i starten på juli i fjor. I år dukka måsen opp den 22.mai. Han vart også observert i føregårs den 6.juni.

3D2B

Svartbak 4K, Sandshamna/Sandsøya 24.mai 2013

Svartbaken 3D2B vart ringmerka som ein 3K-fugl den 20.februar i 2012 på Daneshill søppelfylling i Nottinghamshire i søraust-England. Den 24.mai i år vart fuglen så observert på Sandshamna. Dette var første gongen måsen blei sett etter merking.

3B1B

Svartbak 4K, Sandshamna/Sandsøya 29.mai 2013

Svartbaken 3B1B vart ringmerka som ein 2K-fugl den 19.mars i 2011 nær Blackborough End, King`s Lynn i Norfolk i sentrale delar av England. Den vart så sett lokalt ikkje langt i frå der han blei merka i slutten av oktober i 2011, samt i slutten av januar i år. Den 29.mai dukka den så opp på Sandshamna.

Her er eit kart der ringmerkingsstadane og funnstadane er plotta på kartet. På det nordligaste plottet i England blei 3Z1B, 3A3B og 3D2B merka. På det sørligaste vart 3C1B og 3B1B merka.

Ring- og fargemerking av måsar

I løpet av april, mai og juni har det blitt fire fangstrunder på måsar. Totalt har eg fått merka 42 fuglar, då fordelt på 20 gråmåsar (1 4K+, 2 5K, 17 5K+) og 21 svartbakar (2 2K, 4 3K, 3 4K, 1 5K, 11 5K+).

I tillegg til desse fikk eg som sagt fanga inn ein svartbak med metallring frå før. Den blei opprinnelig merka som pullus (reirunge) i juli i 2003 på Storholmen i Giske kommune i M&R.

Av dei totalt 11 voksne svartbakane som eg har fått merka har eg greidd å lokalisere halvparten dei. To av fuglane som blei merkte den 4.mai er faktisk i par på nordsida av Voksa.

Her er eit bilde av fuglane.

Her er JP987 som er hoa i paret t.h. og JP990 som er hannen t.v.

Heilt til slutt legg eg ut nokre bilder av vingeoversider av svartbak i forskjellige aldersklasser.

Svartbak 2K



Svartbak 3K

Svartbak 4K

 

Svartbak 5K+

ELVESONGAR og grashoppesongarar m.m. 27.05.-04.06.13

Den siste veka har det blitt satsa ein god del på nattsongarar. Først og fremt på Sandsøya og Voksa, men det har også blitt eit par turar i Herøy, og også ein tur i Ørsta kommune. Av andre litt meir dagaktive artar virkar det som om svartstrupene på Sandsøya har fått fram ungar, då dei har blitt sett ved fleire anledningar berande insekt i nebbet. Ellers har det blitt sett ei kortnebbgås i lag med grågjessene på Voksa. Så ser det også ut som om vi er i ferd med å få ein ny hekkeart på Sandsøya. Ein liten koloni på mellom 5-10 par med sandsvaler har nemleg etablert seg på Sandshamn.

Nattsongarlytting på Voksa, med Sandsøya i bakgrunnen.

Nattsongarar på Sandsøya og Voksa
Så tilbake til nattsongarane. På Voksa satt åkerriksa fortsatt og song natt til den 3.juni. Dermed har den vore på plass i nesten to og ei halv veke. Den har no forflytta seg ca. 300 meter frå der den opprinnelig satt. Natt til den 29.mai vart det høyrd to syngande vaktelar på Voksa, medan det natta etter vart høyrd eitt syngande ind. Etter dette har dei ikkje gitt lyd frå seg. Natta til den 29.mai satt også årets 8. grashoppesongarhann på Sandsøya og Voksa og song. Den vart høyrd syngande på sørsida av Sandsøya. Den hold til på lokaliteten i eit par dagar, men det virkar no som om den har forflytta seg vidare.

Her er eit bilde av den siste ankomne grashoppesongaren på Sandsøya/Voksa.

Grashoppesongar 2K+ M, Kinna, Sandsøya 29.mai 2013

Av dei grashoppesongarane som har vore på plass ei stund så har fleire av desse slutta og synge, om dette betyr at dei har trekt vidare, eller om der er hoer på plass er usikkert. Under kan du sjå eit bilde av årets først ankomne grashoppesongar. Den har no vore på plass sidan den 10.mai, og den vart sist høyrd syngande på sørsida av Voksa natt til den 1.juni.

 

Grashoppesongar 2K+ M, Voksa  (Her er den av bilda den 12.mai)

Elvesongar og grashoppesongarar i Ørsta- og herøy kommune

I går ettermiddag tok eg turen til Remøya i Herøy kommune der eg hadde fått rapport om at det hadde blitt høyrd ein syngande grashoppesongar i midten av forrige veke. Men etter å ha gått over området der den vart høyrd var det ikkje teikn til at der var ein grashoppesongar på plass. Dermed vart turen lagt vidare til Sørheim i Ørsta kommune. Der hadde det nemleg blitt høyrd 1-2 syngande grashoppesongarar tidligare i år. Før helga fikk eg også ein telefon frå ein av kompisane mine som held til i Volda. Han hadde nemleg fått fortalt at det muligens også kunne vere ein syngande elvesongar på den samme staden. Han som hadde høyrd fuglen var langt i frå sikker, så eg tenkte egentleg at det berre var ein grashoppesongar som hadde blitt høyrd. Men det var mildt sagt verdt ein sjekk! Heldigvis var ein av dei lokale som budde der tilfeldigvis utandørs i det eg kom kjøyrande. Han kunne fortelle at "elvesongaren" hadde blitt høyrd så seint som ein halv time før eg ankom staden. Og ut i frå beskrivelsen av songen var det strengt tatt ikkje tvil om hvilken art det var snakk om. Dermed sette eg på lyden for å sjå om det var nokon respons. Ikkje lenge etter starta det å synge på oppsida av hovudvegen, og det var ikkje lenger nokon tvil om at det var ein ELVESONGAR! Den hadde då vore på plass i ca. 1 veke. Dermed vart dette det andre maifunnet av elvesongar i M&R gjennom tidene.

Her er nokre bilder av den nydelige songaren.

Elvesongar 2K+ M Sørheim, Ørsta 3.juni 2013

Elvesongar 2K+ M Sørheim, Ørsta 3.juni 2013

Elvesongar 2K+ M Sørheim, Ørsta 3.juni 2013

Etter å ha tatt nokre bilder av songaren i felt vart den innfanga for ringmerking.

Elvesongar 2K+ M Sørheim, Ørsta 3.juni 2013

Også grashoppesongar på plass... 

På den eksakt samme staden som elvesongaren "satt" var der også ein grashoppesongar på plass. Ei stund dreiv elvesongaren og grashoppesongaren og jaga på kvarandre. Ein mildt sagt fantastisk opplevelse. Det er nemleg ikkje kvar dag at ein får oppleve to forskjellige locustella-songarar jagande på kvarandre. Etter å ha fanga inn elvesongaren var det grashoppesongaren sin tur, under kan du sjå eit bilde av fuglen.

Grashoppesongar 2K+ M, Sørheim, Ørsta 3.juni 2013

Grashoppesongarar på Remøya og Leinøya

I natt som var vart det lytta etter nattsongarar på Runde, Remøya, Leinøya og Bergsøya i ytre Herøy. På fleire av desse stadane var det ikkje så alt for mykje å høyre, men på Remøya satt det ein grashoppesongar og song, og det samme gjorde det rett over sundet på Leinøya. Songaren på Remøya var truleg nettopp komt i landt på øya, for den dreiv og forflytta seg aktivt. Medan songaren på Leinøya virka å ha etablert seg på eit område med fjorårsvegetasjon. Begge songarane blei innfanga og ringmerka.

 Her er eit par bilder av songarane.

Grashoppesongar 2K+ M, Remøya 4.juni 2013

Grashoppesongar 2K+ M, Leinøya 4.juni 2013

Med gårsdagens og nattas nye merkingar av grashoppesongarar har eg då fått ring- og fargemerka 11 ind. av arten så langt i år. Der 5 av dei er merkte på Sandsøya, 3 på Voksa, 1 på Sørheim i Ørsta, 1 på Remøya, og 1 på Leinøya.

Grashoppesongar, vaktel og polarmåse på Sandsøya og Voksa 22-25.05.13

Dei siste dagane har det blitt ein del turar i felten, der har det blitt satsa ein god del på måsar på dagtid, og nattsongarlytting om natta. Dessverre så har fortsatt den virkelige gobiten uteblitt. Det mest interessante som har dukka opp blant måsane, då utanom fleire fargemerka fuglar, er ein 2K polarmåse. Når det gjeld nattsongarar så er det nye at årets andre syngande vaktel i Norge vart høyrd syngande kort på Voksa tidleg på morgonen den 24.mai. For sjølv med varmebølga som vi hadde virkar det å ha dukka opp forbausande få vaktelar i landet. Ellers så sit fortsatt åkerriksa og syng på den samme staden på Voksa, samt at det fortsatt er nokre syngande grashoppesongarar rundt omkring på øyane. (Meir om grashoppesongarane kan du lese under)

Her er eit bilde av polarmåsen.

Polarmåse 2K, Sandshamna, Sandsøya 24.mai 2013



Nok ein grashoppesongar på plass...
Grashoppesongaren som eg hadde syngande lengst vest på sørsida av Sandsøya natta til den 18.mai hadde eg verken sett eller høyrd livsteikn frå i ettertid. Men eg tenkte at eg skulle spele litt lyd når eg likevel kjøyrer forbi lokaliteten ganske så ofte. Dermed spelte eg av lyd på dagtid den 22.mai. Kort tid etter svarte det i buska like ved. Dermed var faktisk året 7.grashoppesongar på plass, og fuglen var dermed ikkje ein gjennomtrekkar slik som eg opprinneleg trudde. Så då var det berre å sette opp nettet og på med lyden. Nokre få sekund etter hang songaren i nettet. Dermed har eg no full kontroll på alle grashoppesongarane på øyane. Og faktisk så virkar alle dei 7 hannfuglane som eg har fått ringmerka å ha blitt stasjonære. Fleire har også blitt tause, noko som kanskje tyder på at det er hofuglar på plass allereie! Dermed lovar det godt for hekkesuksess i år.

Her er eit bilde av årets sjuande grashoppesongar.

Grashoppesongar 2K+ M, Kinna, Sandsøya 22.mai 2013

Det fyllest opp...

Av andre songarar så har det no starta å fylle seg skikkeleg opp med sivsongarar på øyane. Totalt er det så langt i år ein stad mellom 30-40 syngande sivsongarar som sit og syng på forskjellige stadar på Sandsøya og Voksa. Av desse har eg fått ringmerka 16 fuglar. Målet er å få ringmerka dei fleste av dei. Dermed  har eg fortsatt ein heil jobb å gjere!

Her er eit bilde av ein av sivsongarane som eg har ringmerka på Voksa.

Sivsongar 2K+ M, Voksa 17.mai 2013

Fuglenytt frå Sandsøya og Voksa 11-21.05.13

Dei siste dagane har det vel blitt i gjennomsnitt ca. 18 timar i felt kvar dag! Mykje av fokuset har vore på nattsongarar, og då særleg grashoppesongarar. Av små lokale raritetar kan eg nemne at øyane sin andre raudstjert har hatt tilhold i Våge på Sandsøya i godt over ei veke, der den er aktivt syngande. Dermed kan ein kanskje få øyane sitt første hekkefunn av arten i år? Ellers så vart eit skjeandpar sett på Sandsøya frå den 14.mai t.o.m. den 17.mai. Desse fuglane utgjorde den tredje funnet av arten på øyane, og mitt andre. Den 20.mai vart det sett ei enslig trane på Voksa. Eg kan også nemne at det blei sett eit tranepar i Storevika naturreservat på sørsida av Sandsøya den 4.mai. Men utenom desse små gobitane har det ikkje vore alt for spennande når det gjeld raritetar... Noko som kanskje er litt merkelig i og med at vi har hatt eit fantastisk veir med veldig bra temperaturar dei siste dagane. Men som alltid, før eller sidan så dukkar det opp eit kvart.

Her er eit par dokumentasjonsbilder av raudstjert og skjeand.

Raudstjert M, Våge Sandsøya . Her avbilda den 11.mai 2013

Skjeand M, her avbilda den 14.mai i Sandsvågen på Sandsøya. 

Endelig syngande nattsongarar!

Med den siste tidas temperturar og veir har det vore perfekte forhold for nattsongarar og nattsongarlytting. Starten på årets "sesong" blei prega av kalde og ugunstige veirforhold, men når det no endeleg blei sommartemperaturar dukka også litt av kvart opp. Den 17.mai vart årets første åkerriksehann høyrd syngande på Voksa. Dette vart ei av dei tre første åkerriksene syngande i Norge i 2013. Det vart nemleg høyrd 2 ind. syngande i Rogaland den samme natta. Åkerriksa på Voksa vart sist høyrd syngande i natt som var, så den er fortsatt på plass.

Åkerriksa blei innfanga for ringmerking. Her er
eit par bilder av fuglen i hand.

Åkerrikse 2K+ M, Voksa 17.mai 2013

Åkerrikse 2K+ M, Voksa 17.mai 2013

Ein heilt grei grashoppesongarsesong?

Denne sesongen ser ut til å blei heilt på det jevne når det gjeld grashoppesongarar. For med eit ekstremt dårleg år for arten i 2012 ser vi i år ut til å vere tilbake på eit meir normalt nivå, samanlikna med trenden dei siste åra. Så langt i år har den vore 6-7 grashoppesongarar innom på Sandsøya og Voksa. Dermed har eg egentleg overgått antallet for heile fjoråret allereie når det gjenstår ei og ei halv veke av mai. Det lovar veldig, veldig bra!

Av dei 6-7 grashoppesongarane har eg fått ring- og fargemerka 6 fuglar. Dermed er det mulig å følge dei som blir verande gjennom sommaren, og vidare i åra framover, visst dei skulle kome tilbake også ved seinare anledningar. Fortsatt er det mange ekstremt gode områder for arten som står tomme her på øyane, og normalt så dukkar det opp fuglar stort sett gjennom heile sommaren, så i år blir nok antallet ein stad mellom 10 og 20 ind. (då rekna berre hannfuglar). Dermed er det berre å sjå framover og gle seg. Eg håper at songarane får fram godt med ungar i år, for eit av måla for året er å få ringmerka ein god del av årsungane for å sjå om nokre av desse vender tilbake til hekkeloklitetane eller ikkje.

Her er eit par oversiktskart over øyane der eg har plotta inn grashoppesongarane,

samt forflytningane dei har gjort. For nokre av songarane har flytta ein god

del rund for å finne det optimale hekkeområdet.

Sandsøya

Voksa



Av dei ringmerka songarane så er det berre songar "3" som blei ringmerka på Sandsøya den 17.mai som virkar å ha forflytta seg vidare av øya. Dei andre virkar å vere nokolunde stasjonære.

Her bilder av alle årets ringmerka grashoppesongarar.

1

Grashoppesongar 2K+ M, Voksa 10-21.mai 2013
Denne songaren blei opprinneleg ringmerka den 10.mai, men natt til den
19.mai satt det ein songar og song på ein ny stad på Voksa. Dermed sette
eg opp nettet og på med lyden. Kort etter var det denne som hang i nettet.
Då hadde den forflytta seg nokre hundre meter vidare frå der eg hadde hatt
den tidligare.

2

Grashoppesongar 2K+ M, Støylemyrane, Sandsøya 14-21.mai 2013
Denne songaren har flytta ein del rundt. I natt som var, var den nok ein gong
på plass der eg ringmerka fuglen den 14.mai.

3

Grashoppesongar 2K+ M, Leina og Evja, Sandsøya 17-18.mai 2013
Denne songaren har truleg trekt vidare. Den forflytta seg frå lokaliteten der
den blei merka den 17.mai til ein ny lokalitet natta etter. Natta deretter var
der ikkje teikn til liv.

4

Grashoppesongar 2K+ M, Voksa 17-21.mai 2013
Denne songaren har tilhold på ein lokalitet der det årleg er hekking av arten.
Den har faktisk allereie slutta å synge, så kanskje er det ei hoe på plass...

5

Grashoppesongar 2K+ M, Voksa 19-21.mai 2013
Denne songaren har ein litt avvikande song. Eit opptak av songen til fuglen
kan du høyre nedersit i innlegget.

6

Grashoppesongar 2K+ M, Sandshamn, Sandsøya 20-21.mai 2013
Denne songaren satt og song på ein lokalitet eg aldri tidligare hadde hatt
ein grashoppesonar innom. Noko som alltid er like kjekt.

Heilt til slutt så legg eg ut eit par lydopptak av songen til eit par grashoppesongarar. I det første opptaket høyrer du songen til songar "5". Så kan du samanlikne den med songen til songar "3". Det er nemleg stor forskjell i songen til fuglane. Der songen til songar "3" er den normale, medan songen til songar "5" er ein smule avvikane.


Grashoppesongar M (5), Voksa 19.mai 2013


Grashoppesongar M (3), Leina, Sandsøya 17.mai 2013

Grashoppesongar, jordugle og trepiplerke m.m. Sandsøya og Voksa 08-10.05.13

Dei siste dagane har eg knapt vore innomhus. Dagane har blitt tilbrakt i felt, enten på Sandsøya og Voksa, eller på Runde. Feltsatsinga på øyane heime har i hovudsak gått til å prøve å leite opp årets første grashoppesongar. Men sjølvsagt, går ein rundt og "vasar" så kjem ein over litt av kvart. I går hadde eg blant anna øyane si første trepiplerke. Dette er ein vanleg art, men utruleg nok så har den ikkje "dumpa innom" på øyane før no. Ellers så har eg ringmerka min første møllar, samt eit par sivsongarar.

Her er nokre observasjonar frå Sandsøya og Voksa dei siste dagane:

8.mai:
kortnebbgås 3 (Våge, Sandsøya)
fjellvåk 2 ptsv (Voksa)
tårnfalk 3K+ M (Voksa)
møllar 1 2K M (Marøya)

9.mai:
islom 1 3K+ (Ved Voksa)
kortnebbgås 3 (Våge, Sandsøya)
fjellvåk 3 ptnø (Voksevegen/Voksa)
jordugle 1 (Våge, Sandsøya)
trepiplerke 1 M sy./sett (Våge, Sandsøya)
buskskvett 2 MM sy. (årets 2 første) (Sandsøya)
svartstrupe 1 F (Sandsvågen, Sandsøya)
sivsongar 2 MM (årets 2 første) (Voksa/Sandsøya)

10.mai:
kortnebbgås 3 (Våge, Sandsøya)
fjellvåk 1 ptnø (Voksa)
gjøk 1 M sy. (årets første) (Våge, Sandsøya)
tornsongar 1 M sy./sett (årets første) Våge, Sandsøya)
buskskvett  4 MM sy. (Sandsøya)
grashoppesongar 1 M (Voksa)

Her er eit dokumentasjonsbilde av øyane si første trepiplerke,

under der igjen eit bilde av fylkets første møllar for året.

Trepiplerke M, Våge/Sandsøya 10.mai 2013
Denne vart sett rastande i lag med heipiplerker. Den vart også høyrd syngande.

 

Møllar 2K M, Marøya 8.mai 2013

Endelig!
Tilbake til grashoppesongarleitinga mi. Dei siste dagane har eg som sagt brukt mykje tid, og tilbakelagt mange kilometer på leiting etter denne nattsongaren. I går (10.mai) hadde eg vore ute heile ettermiddagen, og på den siste lokaliteten som eg skulle sjekke før eg tok kvelden fikk eg endeleg svar på lydavspelinga mi. Dermed var årets første grashoppesongar på plass! Og måtte det bli mange, mange fleire. Etter å ha lokalisert fuglen blei den innfanga for ringmerking. Dermed skal det vere mulig å følge denne fuglen utover våren og sommaren visst den bestemmer seg for å bli verande.

 

Her er eit par bilder av grashoppesongaren.

Grashoppesongar 2K+ M, Voksa 10.mai 2013
Den har blitt utstyert med metallring på venstre tars
og gul fargering med talet 1 på høgre tars.

Grashoppesongar 2K+ M, Voksa 10.mai 2013

 



Eg vil også denne våren og sommaren satse på å få ringmerka flest mogleg sivsongarar på øyane. Målet i år er å få eit mest mulig korrekt antall på kor mange par med sivsongarar som hekkar her. Vidare så blir det spannande å sjå om mange av desse songarane vender tilbake seinare, og om det blir gjenfunn av dei ringmerka fuglane utanfor landets grenser.

Her er årets to første ringmerka.

Sivsongar 2K+ M, Voksa 9.mai 2013.

Sivsongar 2K+ M, Våge/Sandsøya 10.mai 2013

 

Jordugle
I Våge på Sandsøya har det dei siste par dagane blitt sett ei jordugle. I går vart den skremt opp frå ein av markane, heldigvis så flaug den ikkje langt. Den flaug nemleg og satte seg i ein bjørkeskog like ved. Der vart den utrulig nok sittande til eg fikk kome meg i bilen, og rigga meg fint på plass på bilvegen ca. 10 meter i frå ugla. Dermed vart draumen om endeleg å få gode bilder av jordugle på brikka oppfylt!

Her er eit lite utvalg av bilder.

Jordugle, Våge/Sandsøya 10.mai 2013

Jordugle, Våge/Sandsøya 10.mai 2013

Jordugle, Våge/Sandsøya 10.mai 2013