11 nye grashoppesongarar på Sandsøya/Voksa 5-10.mai

Grashoppesongar M, Våge 10.mai

Den siste veka har det gått so og seie i ett med å følge med på fuglelivet på øyane. Då særleg grashoppesongarane! Det har vore so intensivt at eg desverre ikkje har fått tid til å oppdatere bloggen.











Sidan forrige innlegg den 4.mai har det komt ein del fleire grashoppesongarar. Det vil seie 9 nye hannar og 2 nye hoer. Noko som gjer at totalen då er på 19 forskjellige hannar og 4 hoer på øyane i år. (23 TOTALT!!) Under ser du ei full oversikt over songarane (klikk på karta for stort format)

 Oversikt over Våge/Sandsøya                                                                  Oversikt over Støyle/Sandsøya

                                                

 Oversikt over Voksa

        

Nye kontrollar...

Tre av hannane som har komt den siste veka er fuglar som vart merka i fjor. Dermed har 4 av dei 11 som vart ringmerka i fjor komt tilbake. 3 av desse er på eksakt same plassen som i fjor, medan en av dei har bytta øy. (frå Voksa til Sandsøya)

9E40520: Dette var den første songaren som vart merka i 2010. Den vart
merka 10.juli på Voksa. Og dette var faren til den første dokumentrete
ungen i MR.. I år er den ikkje på Voksa, men på Sandsøya. Denne har fått
påsatt fargering med bokstavane XAP. I år vart den oppdaga 8.mai.

9E40522: Dette var den første songaren som kom i 2010 (7.mai). Den vart
merka på eksakt same plassen som den er på i år. Det skjedde 10.juli i 2010.
Denne hannen fikk også fram ungar i fjor. I år har den fått påsat fargering
på den står det XAM. I år vart den oppdaga 8.mai.

9E40523: Denne hannen vart merka 10.juli i 2010 på eksakt same plassen
som den er på plass på igjen i år. Det er då i Våge på Sandsøya.
Den vart oppdaga i dag tidleg. (10.mai)

Fargemerking

Etter at vi har ringmerka og fargemerka to gongar i år so har vi fargemerka 13 grashoppesongarar (hannfuglar).

Her er eit bilde av ein av songarane vi merka 4.mai!

Grashoppesongar M, Voksa 10.mai

Her er bilda av alle grashoppesongarane som fikk fargering 9.mai!

XAM: Denne vart merka med metallring i fjor. På same plass i år. Det vil seie
på Voksa. Den vart oppdaga 8.mai.

XAV: Denne songaren har vore på plass i Våge på Sandsøya sidan 27.april.

XAM: Denne har vore på Voksa sidan 27.april. Den vart sett i lag med eit
hoe 8.mai.

XAP: Denne vart oppdaga på Sandsøya 8.mai. Den vart merka på Voksa
i 2010. Der den fikk den også fram fleire ungar.

XAT: Denne vart oppdaga i Våge på Sandsøya 9.mai.

XAU: Denne vart oppdaga i Våge på Sandsøya 8.mai.

XAX: Denne vart oppdaga 9.mai i Våge på Sandsøya.

Gjenfunn av ringmerka sivsongarar frå Norge og Belgia!

Dei siste dagane har sivsongaren komt for fullt. So dermed fanga vi inn dei som var i nærleiken av der grashoppesongarane holdt til. Det resulterte i ein Norskmerka og ein Belgiskmerka sivsongar. Den med Norsk ring vart fonga på Voksa, og den med Belgisk ring vart fonga i Våge på Sandsøya.

Denne sivsongarhannen på Voksa hadde Norsk ring.
På ringen sto det 4H44691. Denne vart ringmerka på
Vassmyra i Mandal, Vest-Agder 11.aug. 2009.

Denne sivsongarhannen i Våge på Sandsøya hadde ein Belgisk ring.
På den sto det 11840516.

Fuglelydar
Her er lydopptak av åkerriksa og ein av grashoppesongarane.

Åkerrikse


Grashoppesongar