Sandsøya/Voksa 8-10.02.11

Dei siste tre dagane har vore som den siste tida, altso ikkje det heilt store. Det vil seie lite fugl å sjå. I forgårs telte eg totalen på dykkarane og lommane i havområdet mellom øyane. Medan dei to siste dagane har det i hovudsak vorte satsa på måseskåding på Sandshamna.

"Obsane" frå sjøfugltellinga.
islom 2
dvergdykkar 3
horndykkar 2
gråstrupedykkar 9 (rekordantall)
sjøorre 1 (2K M)
tjeld 1
teist 1



Nok ein fargemerka gråmåse
I dag var det meir aktivitet på hamna, og dermed også fleire måsar. Og ganske kjapt fann eg ein fargemerka gråmåse. Denne måsen var fullt adult. Det vil seie at den var minst 5k (4.vinter eller eldre). Men etter å ha fått tilbakemelding på fuglen så viste det seg at den blei merka på Valderøya i Giske kommune sommaren 2006 som 3K+ (2.sommar eller eldre), noko som gjer måsen til ein 8K+ (7. vinter eller eldre) i dag.

Her er eit bilde av den fargemerka gråmåsen.

gråmåse 8k+ (merka med JM6K)

Her er "livshistoria" til JM6K (matallring nr.FA17347)

Dato	Stad	Koordinatar	Observatørar	Dagar/km/°
19.06 2006	Skjongskaret, Valderøy, Giske, Møre og Romsdal, Norway	62°30'09"N 006°06'47"E	Petter Birger Folkestad	-
10.02 2011	Sandshamn, Sande, Møre og Romsdal, Norway	62°15'08"N 005°28'58"E	Støyle Bringsvor, Ingar	1697/43/229

Spurvehauk på fjøsbesøk!

I kveld i halv 8 tida fikk eg ein telefon frå Øystein Baade (bonde på Voksa) om at han hadde ein hauk i fjøsen. Nokre minutt etter kunne eg sjå den med mine eigne auger. Hauken viste seg å vere ein ung (2K) spurvehaukhann som hadde forvilla seg inn i fjøsen, då truleg på gråspurvjakt. Etter å ha tatt nokre bilder av den, blei hauken etter litt om og men fanga og satt fri. Noko eg trur hauken blei glad for. Men dei som kanskje blei aller mest glade var gråspurvane.

Her er nokre bilder av den forvilla spurvehauken. Kanskje ikkje i sitt rette miljø, men som alltid nydlig!
Og som alltid, klikk på bilda for eit større format!

spurvehauk 2K M

spurvehauk 2K M

spurvehauk 2K M

spurvehauk 2K M

Sandsøya/Voksa 30-31.01.11

Dei to siste dagane har ikkje akkurat veir og vindforhold vore dei beste, men sjølv på sånne dagar kan ein ikkje sete inne å sjå i veggen. Nei, det er best å kome seg ut å sjå etter sjeldenheiter!

I går såg eg ganske godt over både Voksa og Sandsøya sidan det ikkje var så mykje måsar å sjå på Sandshamna. Det resulterte i årets 3-4. polarmåse. Denne gongen ikkje på Sandshamna, men på Voksa. På Sandshamna var det ikkje så veldig mykje å sjå. Men der var en måse som eg var ganske sikker på var ein grønlandsmåse når eg såg den på langt hold. Denne viste seg å vere ein leucistisk gråmåse truleg i sin 2.vinter (3K).

Her er nokre andre "obsar" frå i går (30.januar):
dvergdykkar 1
bergand 1 (forts.)
toppand 1 (forts.)
brunnakke 15
krikkand 10
sangsvane 49-51 (11 2k)
grågås 5

leucistisk gråmåse truleg 3K (2.vinter)

polarmåse 4K (3.vinter)
Visst du leitar godt så finn du den til slutt....

På plass igjen..
I dag (31.januar) vart det nok ein gong satsa hardt på å finne ein sjelden måse, men det fortsetter slik det har vore so langt denne vinteren, nemleg med få gobitar. Eg har ikkje har ein einaste grønlandsmåse. Heldigvis har det vore nokre få polarmåsar å sjå. Men dagen i dag var no ikkje heilt utan resultat på måsefronten. Den fargemerka gråmåsen (merka med J1XP) som har vist seg eit par gongar i januar var på plass igjen i dag.

gråmåse J1XP 6K (5.vinter)
Merka i Mandal som reirunge i juni 2006