Grashoppesongarungar m.m. 16.08.11

I dag vart det endelig ei skikkeleg runde rundt på øyane. Og det var no ikkje heilt fritt for fuglar heller...

Grashoppesongarungar
Når eg var på Voksa sjekka eg opp fleire plassar der eg veit det har vore grashoppesongarhekking i år. Det resulterete i at eg fann ungar på to av lokalitetane! Det var 4-5 ungar på den eine, og 3-4 ungar på den andre lokaliteten.

Her er nokre bilder av eit par av ungane.

Grashoppesongar 1K, Voksa (ind.nr.1)

Grashoppesongar 1K, Voksa (ind.nr.1)

Grashoppesongar 1K, Voksa (ind.nr.2)

Andre observasjonar..
Av andre artar som vart sett var temmincksnipe, grønnstilk, dvergfalk, for å nevne noko.

Her er eit par bilder av dvergfalk og grønnstilk!

Dvergfalkar 1K, Voksevegen

Grønnstilk 1K (t.v). og brushane 1K (t.h.) på Storeviksanden/Sandsøya

Her er det andre som vart sett.
spurvehauk 1 1K (Sandsøya)
heilo 6 (Voksa/Sandsøya)
sandlo 35-40+ (Voksa og Sandsøya)
myrsnipe 5+ (Sandsøya/Voksa)
tundrasnipe 2 1K (Storeviksanden på Sandsøya)
polarnsipe 6 ad. (Voksa)
temmincksnipe 3+ (Voksa)
dvergsnipe 1 1K (Storeviksanden på Sandsøya)
gluttsnipe 10+ (Sandsøya/Voksa)
brushane 3+ 1K (Voksa og Sandsøya)
småspove 1 (Voksa)

Lerkefalk og havsvalefangst m.m. 6-14.08.11

Dei siste par vekene har det ikkje vorte alt for mange turar i felten. Men som vanleg so går det no ikkje å kutte fuglane heilt ut... Eg har blandt anna fått meg to nye artar på Sandsøy og Voksa lista mi. Med både havsvale og lerkefalk! Og so sete fortsatt ein grashoppesongar å syng.

Lerkefalk og havsvale
For 5 dagar sidan, altso den 9.august kom eg over ein lerkefalk som jakta insekt i Storevika på Sandsøya. Dette var då den 203 arten på Sandsøya og Voksa for min del. Det var også førte gongen det har vorte sett lerkefalk på øyane. Min art nr.202 "skaffa" eg meg tre dagar før. Då eg fann ut at eg måtte prøve å få havsvale på lista mi for øyane. Dermed som sagt so gjort. Eg kjøyrde ut i Hellandsvågane på Sandsøya. Starta opp lyden, og etter 20-25 minutt so var ei havsvale på plass. Dermed var det berre å pakke ned lydutstyret å la den få stikke til havs igjen...

Havsvalefangst på Runde
I natt som var vart turen lagt til Runde for å fange havsvaler. Det resulterte i 30 havsvaler i nettet, og
1 stormsvale! 

Her er nokre bilder av "fangsten".

Alv Ottar Folkestad studerer ei av dei 30 havsvalene som var fanga!

Havsvale 2K+.
Desse nydelige fuglane kjem berre til land om natta. Dermed er det då det
er mulig å lokke dei til seg med lyd.

Vingeoverside på ei 2K+ havsvale.

Stormsvale 2K+.
Denne er enda meir eksklusiv enn havsvala. I Norge har den berre vorte
påvist hekkade på Erkna i Møre og Romsdal, samt på Røst i Lofoten.
Denne er ein grei "bifangst" under havsvalefangst!

Stormsvale 2K+.
Legg merke til det lyse feltet på armdekkarane på oversida av vinga.
Dette lyse feltet finn du ikkje på ei havsvale.

Grashoppesongar
Årets siste syngande grashoppesongarhann satt fortsatt å song i Voren på Sandsøya i natt. Men no nærmar det seg stygt slutten på grashoppesongarsesongen for denne gong. Men kanskje er det like greit... For ein kan no ikkje klage når det har vore syngande grashoppesongarar sidan 23.april!!

Her er eit lydklipp av den sygande grashoppesongaren i Voren. Lydklippet er frå i natt. 14.august.

Grashoppesongar og storjo 29-31.07.11

Den 29.juli fikk eg og Kjell Mork Soot ring- og fargemerka endå ein av årets grashoppesongarhannar. Det vil seie at i år har vi ringmerka 21 nye grashoppesongar, samt at vi har satt fargering på 3 av dei 4 songarane som kom igjen av dei som vi merka i fjor. (2010) Vi har også ein med berre metallring frå i fjor. Denne har ikkje vore særleg samarbeidsvillig. Og på fire forsøk har det ikkje lykkast å få satt på den fargering. Men uansett... Det vil seie at vi har 24 songarar med metall- og fargering og ein med berre metallring. Dermed har vi full kontroll på 25 songarar!! Og det skal bli veldig spennande å sjå kor mange som kjem attende neste år...

Her er den siste grashoppesongaren som har vorte merka.

Grashoppesongar M, Voren/Sandsøya.
Denne grashoppesongaren vart oppdaga den 24.juli. og den satt fortsatt og
song i natt, 1.august. Den vart oppdaga på ein plass det tidlegare var ein
annan grashoppesongarhann, men denne flytta på seg, og dermed var det
plass til ein ny! Den fikk fargeringkombinasjon XCP.

Her er eit oppdatert oversiktskart som viser kor den oppheld seg.

Storjo
Dei siste par dagane har det vorte feltarbeid på Runde. Då har det i hovudsak vorte fokusert på å få merka storjoungar, samt å få oversikt over totalen på storjopar på øya.

Dei fleste ungane er ganske så store, og der er ikkje lenge før dei tek vingene fatt... Men vi var heldige og kom over ein unge som var ca. ei veke gammal.

Her er eit bilde av den vesle hjerteknusaren.

Storjounge, Runde