Sandsøya/Voksa 09-10.01.12

Både i går og i dag vart det sett gjennom dei relativt få måsane som var på Sandshamna. Det resulterte i at eg fann 1 ny grønlandsmåse i går. Denne var også på plass i dag! Dermed er totalen i vinter no oppe i 8 forskjellige "grønlands" så langt. Og fleire skal det bli.... Mange, mange fleire!

I går var ikkje den nye 3K grønlandsmåsen på fotohold, men i dag var den så definitivt det! Her kan du sjå nokre av bilda som eg tok av den, samt eit lite videoklipp.

Grønlandsmåse 3K (2.vinter), Sandshamna/Sandsøya

Grønlandsmåse 3K (2.vinter), Sandshamna/Sandsøya

Grønlandsmåse 3K (2.vinter), Sandshamna/Sandsøya

Grønlandsmåse 3K (2.vinter), Sandshamna/Sandsøya

Her er videoklippet...




Tundragås ua. flavirostris
I dag rakk eg også å sjekke gjessene på Voksa før det blei mørkt. Det resulterte i mitt første funn av den grønlandske underarten av tundragås, nemleg flavirostris. Denne er i motsetning til den austlege albifrons større og kraftigare. Fjørdrakta er også noko mørkare enn hos albifrons. Nebbet er vidare i gjennomsnitt noko lenger, samt at det i motsetning til albifrons som har rosa nebb er oransje hos flavirostris.

Her er eit dokumentasjonsbilde.

Tundragås ua. flavirostris (innringa), Voksa
I lag med grågjess og tundragås ua.
albifrons.

I tillegg til den grønlandske tundragåsa vart det sett 70-80 grågjess, 4 sædgjess ua. rossicus og 14+ av den austlege tundragåsa ua. albifrons.